Tirthaprakasha 4.p278

4.p278

miśrāḥ | vastutaḥ saṅkalpe'tra mānābhāvaḥ | dharmāraṇyaṃ gatvā omadya sarvapāpakṣayakāmo mataṅgavāpyāṃ snānamahaṃ kariṣye iti saṅkalpya śrāddhaṃ kṛtvā mataṅgavāpyuttarasthaṃ mataṅgeśvaraṃ natvā pramāṇaṃ devatāḥ santu lokapālāśca sākṣiṇaḥ | mayā''gatya mataṅge'smin pitṝṇāṃ niṣkṛtiḥ kṛtā || iti paṭhitvā adya pitṛtāraṇakāmo brahmakūpayūpayormadhye śrāddhamahaṃ kariṣye iti saṅkalpya tatra śrāddhaṃ kuryyāt | kūpe ekaṃ śrāddhaṃ kūpayūpayormadhye'paraṃ śrāddhamityanye | tato dharmaṃ dharmeśvaraṃ mahābodhiṃ ca krameṇa svargakāmo namediti | mahābodhitarumūle śrāddhaṃ piṇḍadānaṃ vā kuryyāt | caladalāya vṛkṣāya sarvadā'calaviṣṇave | bodhitattvāya yajñāya aśvatthāya namonamaḥ || ekādaśo'si rudrāṇāṃ vasūnāmaṣṭamastathā | nārāyaṇo'si devānāṃ vṛkṣarājo'si pippaila || etanmantrābhyāmaśvatthanamaskāraṃ kārayanti | brahmakūpaśca mata-