Tirthaprakasha 4.p281

4.p281

evametadyaduśreṣṭha kṛṣṭaṃ rājarṣiṇā purā | śakeraṇa cābhyanujñātaṃ brahmādyaiśca suraistathā || nātaḥ parataraṃ puṇyaṃ bhūmeḥ sthānaṃ bhaviṣyati | iha tapsyanti ye kecittapaḥ paramakaṃ narāḥ || dehatyāgena te sarve yāsyanti brahmaṇaḥ kṣeyam | ye punaḥ puṇyabhājo vai dānaṃ dāsyanti mānavāḥ || teṣāṃ sahasraguṇitaṃ bhaviṣyatyacireṇa vai | ye ceha nityaṃ manujā nivatsyanti śubhaiṣiṇaḥ || yamasya viṣayaṃ te tu na drakṣyanti kadācana | yakṣyanti ye ca kratubhirmahadbhirmanujeśvarāḥ || teṣāṃ triviṣṭape vāso yāvadbhūmirdhariṣyati | api cātra svayaṃśkro jagau gāthāṃ surādhipaḥ || kurukṣetre nibaddhāṃ vai tāṃ śṛṇuṣva halāyudha | pāṃśavo'pi kurukṣetrādvāyunā samudīritāḥ || api duṣkṛtakarmāṇaṃ nayanti paramāṃ gatim | murarṣabhā brāhmaṇasattamāśca tathā nṛpādyā naradevamukhyāḥ | iṣṭvā mahāhaiḥ kratubhirnṛsiṃha santyajya dehān sugatiṃ prapannāḥ || tadrantukārantukayoryadantaraṃ rāmahradānāṃ ca macakrukasya ca | etatkurukṣetrasamantapañcakaṃ prajāpateruttaravedirucyate || śivaṃ mahatpuṇyamidaṃ divaukasāṃ susammataṃ sarvaguṇaiḥ samanvitam | ataśca sarve'tra hatā nṛpā raṇe yāsyanti puṇyāṃ gatimakṣayāṃ sadā||iti| vāmanapurāṇe, śṛṇu sapta vanānīha kurukṣetrasya madhyataḥ