Tirthaprakasha 4.p344

4.p344

brahmapurāṇe, evaṃ mayā muniśreṣṭhāḥ kṣetraṃ proktaṃ sudurllabham | koṇārkasyodadheśtīre bhuktimuktiphalapradam || snātvaivaṃ sāgare dattvā sūryyāyārghyaṃ praṇamya ca | naro vā yadi vā nārī sarvakāmaphalaṃ labhet || tataḥ sūryyālayaṃ gacchet puṣpamādāya vāgyataḥ | praviśya pūjayedbhānuṃ kuryyācca triḥ pradakṣiṇam || tāntrikairvaidikairmantrairbhaktyā koṇārkamarcayet | gandhaiḥ puṣpaistathā dhūpairdīpanaivedyakaistathā || daṇḍavatpraṇipātaiśca jayaśabdaistathāparaiḥ | evaṃ sampūjya koṇārka sahasrāṃśuṃ jagatprabhum || daśānāmaśvamedhānāṃ phalaṃ prāpnoti mānavaḥ | sarvapāpavinirmukto yuvā divyavapurdharaḥ || saptāvarān sapta parān vaṃśānuddhṛtya bhodvijāḥ | vimānenārkavarṇena kāmagena suvarcasā || upagīyamāno gandharvaiḥ sūryyalokaṃ sa gacchati | bhuktvā tatra varān bhogān yāvadbhūtasamplavam || puṇyakṣayādihāyātaḥ pravara yogināṃ kule | caturvedī bhavedvipraḥ svadharmanirataḥ śuciḥ || yogaṃ divasateḥ prāpya tato mokṣamavāpnuyāt | caitre māsi site pakṣe yātroṃ damanabhañjikām || yaḥ karoti narastatra pūrvoktaṃ ca phalaṃ labhet | śayaneotthāpayorbhānoḥ saṅkrāntyāṃ viṣuve'yane || vāraṃ ravestathau. caitra parvakāle'thavā dvijāḥ | ye tatra yātnāṃ kurvvanti puruṣāḥ saṃyatendriyāḥ || vimānenārkavarṇena sūryyalokaṃ vrajanti te | yastatra savituḥ kṣetre prāṇāṃstyajati mānavaḥ || sa sūryyalokamāsthāya devavannamodate divi | punarmānuṣatāṃ prāpya rājā bhavati dhārmikaḥ || yogaṃ raveḥ samāsādya tato mokṣamavāpnuyāt‌| tathā koṇārkakṣetramupakramyaāste tatra mahādevastīre nadanadīpateḥ | rāmeśvara iti khyātaḥ sarvakāmaphalapradaḥ || tatrāccaya̍nti kāmāriṃ snātvā samvajmahodadhau | gandhaiḥ puṣpaistathā dhūpaidīṃpairnaivedyakairvaraiḥ || rājasūyaphalaṃ prāpya vājimedhaphalaṃ tathā | prāpnuvanti mahātmānaḥ saṃsiddhiṃ paramāṃ tathā || kāmagena vimānena kiṅkiṇījālamālinā | upagīyamānā gandharvaiḥ śivalokaṃ vrajanti te || ābhūtasamplavaṃ yāvat bhuktvā bhogānanukramāt | puṇyakṣayādihāgatya cāturvedā bhavanti te || śāṅkaraṃ yogamāsthāya tato mokṣaṃ vrajanti te | iti