Tirthaprakasha 4.p37

4.p37

sarvadevahūdaṃ caiva kanyāśramahradaṃ tathā | tathānyaṃ bālakhilyānāṃ saptarṣīṇāṃ tathā'param || tathānyacca maharṣīṇāmakhaṇḍitahradaṃ tathā | tīrtheṣveteṣu vidhivat samyak śraddhāsamanvitaḥ || snānaṃ karoti yo martyaḥ sopavāso jitendriyaḥ | devān ṛṣīn manuṣyāṃśca pitṝṃścānyāṃśca tarpayet || abhyarcya devatāstatra sthitvā ca rajanītrayam | pṛthakpṛthakphalaṃ teṣu pratitiṣṭhecca bho dvijāḥ || prāpnoti hayamedhasya naro nāstyatra saṃśayaḥ | yastvidaṃ śṛṇuyānnityaṃ tīrthamāhātmyamuttamam || paṭhecca śṛṇuyāccaiva sarvapāpaiḥ pramucyate | devalaḥ, kṛtvā pāpamavijñātaṃ bhrūṇahatyādi tat punaḥ | vinaśyati mahāyajñairathavā tīrthacaryayā || atha sarasvatī gaṅgā yamunā narmadā vipāśā vitastā kauśikī nandāvarī candrabhāgā śarayūḥ utpalāvatī sindhuḥ arjunī parṇāśā śoṇastāpī pārāvatī pāṣāṇatīrthā gomatī gaṇḍakī bāhudā ramyā devikā godāvarī kāverī tāmraparṇī carmaṇvatī vetravatī cakṣurvaiṃraṇī ceti mahānadyaḥ puṇyatamāḥ | gaṅgādvāraṃ kanakhalaṃ śaukaraṃ prayāgo gaṅgāsāgara iti gaṅgāyāstīrthāni | plakṣamasravaṇaṃ vṛddhakanyākaṃ sārasvatamādityatīrthaṃ kauberaṃ vaijayantaṃ pṛthūdakaṃ naimiṣaṃ vinaśanaṃ vaṃśodbhedaṃ prabhāsamiti sārasvatāni | puṣkarasurveśaṃ gayā gayāśiraḥ kurukṣetraṃ prayāga iti kṣetrāṇi | vārāṇasī mahābhairavaṃ devadāruvanaṃ kedāraṃ madhyamaṃ rudramahālayaṃ trastāvatāraṃ chagalaṃ viṣṇuśivaṃ mahākālaṃ kālañjaraṃ jambumārga cetyāyatanāni | himavān sahyo vidūro mahendro hariścandraḥ śataśṛṅgo devaparvato vindhyaparvataśceti parvatānāṃ nāmāni | evametānyanyānyapi kṣetrāyatanaparvatāśramatīrthāni puṇyatamāni tadarthamabhigamya vratopavāsaniyamayuktastryahamavagāhamānastrirātramuṣitvā sarvapāpaiḥ pramucyate svastimāṃśca bhavatīti | tatra ślokau—