Tirthaprakasha 4.p65

4.p65

upapurāṇe, māghaśuklacaturdaśyāmupoṣyaiva puro'hani | brāhmaṇān bhojayetpaścādekaṃ vāpi sadakṣiṇam || gatvā maunena ca snānaṃ jñānavāpyāṃ samācaret | śuklāmbaradharo bhūtvā natvā ḍhuṇḍhivināyakam || daṇḍapāṇiṃ tato natvā dṛṣṭvā viśveśvaraṃ ca mām | śrīmuktimaṇḍapaṃ gatvā kuryāt saṅkalpamātmanā || prāṇāyāmatrayaṃ kṛtvā japetpañcākṣaraṃ manum | kariṣye kṣetrasaṃnyāsamiti sañcintayedbudhaḥ || pañcakrośādvahiḥ kṣetrānna gacchāmyambikāpate | imaṃ mantraṃ paṭheduccairdvistriḥ pañca ca sapta vā || namaskṛtya mahādevaṃ daṇḍapāṇiṃ tato vrajet | sākṣīkṛtya mahātmānaṃ daṇḍapāṇiṃ vināyakam || śrīkālabhairavaṃ caiva sākṣīkuryāt prayatnataḥ | evaṃ kṛtvā vidhānena paścāt kuryācca bhojanam || pūrvasañcitavittādi dadyāt sarvaṃ mamājñayā | sarvapāpavinirmukto mucyate nātra saṃśayaḥ