Tirthaprakasha 4.p96

4.p96

liṅgapurāṇe, naraḥ pañcanade snātvā dṛṣṭvā liṅgaṃ gabhastinaḥ | anantaṃ phalamāpnoti yatra yatrābhijāyateṃ || kāśīkhaṇḍe, arccayitvā gabhastīśaṃ snātvā pañcanade naraḥ | na jātu jāyate janturjaṭhare dhūtakilbiṣaḥ || liṅgapurāṇe, gabhastīśvaranāmānaṃ liṅgaṃ paścānmukhaṃ sthitam | ityādyabhidhāyataṃ dṛṣṭvā mānavo devi aiśānaṃ lokamāpnuyāt | tasya dakṣiṇapārśve tu dadhikarṇahradaṃ sthitam || ityādi | atha maṅgalāgaurī | kāśīkhaṇḍe, eṣā'sau maṅgalāgaurī kāśyāṃ paramamaṅgale | yatprasādādavāpnoti naro'tra ca paratra ca || maṅgalāstotraṃ tatraivānusandheyam | tathā, bandhyāpi varṣaparyantaṃ snātvā pañcanade hrade | samarcya maṅgalāgaurīṃ putraṃ janayati dhruvam || tathā, tvāmuddiśya tu deveśi brāhmaṇān brāhmaṇīśca ha | bhojayiṣyati deveśi tasya puṇyaphalaṃ śṛṇu || tava loke vaset kalpamihaivāgacchate punaḥ | naro vā yadi vā nārī sarvabhogasamanvitau || dhanadhānyasamāyuktau jāyete'tra mahākule | ityādi bodhyam | laiṅge, ārādhayanti devi tvāmuttarābhimukhīṃ sthitām | ye ca tvāṃ pūjayiṣyanti tasmin sthāne sthito hyaham || teṣāṃ tvaṃ vividhān lokān sampradāsyasi mānave | jāgaraṃ ye prakurvanti tavāgre dīpadhāriṇaḥ || teṣāṃ tvamakṣayān lokān vitariṣyasi bhāmini | ālayaṃ ye prakurvanti tvadarthe varavarṇini || teṣāṃ tvamakṣayān lokān prayacchasi na saṃśayaḥ | ālayaṃ ye prakurvanti bhūmiṃ sammārjayanti ca || teṣāmaṣṭasahasrasya suvarṇasya phalaṃ bhavet | iti