Tirthasara p28.4

p28.4

chatramābharaṇaṃ dadyād dhīmānupānahau tathā || tena pūjitamātreṇa pūjitāḥ puruṣāstrayaḥ | svargaloke vasettāta yāvadābhūtasaṃplavam || liṅgasya dakṣiṇe kṛtvā parvato bhṛgusaṃjñakaḥ | tasya mūrdhani yattīrthaṃ purā nipatitaṃ bhuvi || vidhānaṃ śambhunā sākṣāt cakratīrthaṃ tadiṣyate | mṛtāstatraiva ye kecijjantavo bhuvi pakṣiṇaḥ || prayānti paramaṃ sthānaṃ tatra tīrthe na saṃśayaḥ | ṣaṭsataraśataṃ gacched bhṛguraṅga-samīpataḥ || yatrāpi tiṣṭhate devaḥ sadāvyakto maheśvaraḥ | kuṇḍaṃ tatra tu vistīrṇaṃ nirmalaṃ ca suśobhanam || vāṣkalā ca samāsādya muktimārgastathāpare | nālagrīvaṃ tu rājendra trayonāma vyavasthitaḥ || tatra saṃnihite nityaṃ bhavavākyaṃ na saṃśayaḥ | pradakṣiṇaṃ tu yaḥ kuryāt parvataṃ bhṛgusaṃjñakam || aṣṭaparvatamekaṃ ca śrīśailaṃ ca narottamaḥ | aśvamedhasahasreṇa tatphalaṃ labhate naraḥ || parvatāduttare kūle nātidūre ca pāṇḍava | sarvadā tiṣṭhate śambhurnātra kāryā vicāraṇā || kuṇḍamadhye yatheśānaḥ pūrvaṃ tiṣṭhati keśavaḥ | dakṣiṇe ca caturvaktratriṃśatkośa itisthitaḥ || idaṃ tīrthaṃ tathā puṇyaṃ yathā puṇyaṃ gayā śiraḥ || sakṛtpiṇḍodakenaiva naro nirmalatāṃ vrajet || ekaṃ gayāśiro muktvā sarvatīrthāni śaṃkaraḥ | liṅgabhedasya tīrthasya kalāṃ nārhanti ṣoḍaśīm || kuṇḍameteśvarāśāyā daśahastapramāṇataḥ | aindravāruṇikāṣṭhāyā pramāṇaṃ caiva viṃśatiḥ || etatpramāṇe tīrthe'pi piṇḍadānādikarmasu | janāḥ puṇyāśca ye martyāstatra dātuṃ labhanti te || viśvastu pitṛrūpeṇa brahmarūpī pitāmahaḥ | prapitāmahaścandro'pi devāścipuruṣāḥ sthitāḥ ||