Tirthendushekhara 2.p11

2.p11

prayāge vā bhavenmokṣa iha vā matparigrahāt | prayāgādapi tīrthāgryādidameva viśiṣyate || itikāśīprakaraṇasthaṃ vākyaṃ tu kāśīmaraṇe (1) dhīratvaguṇāna pekṣapena tadanapekṣākṛtavaiśiṣṭyabodhanaparam (2) | prayāgamaraṇe ca brāhmaṇasya nādhikāraḥ| śūdrāśca kṣatriyā vaiśyā antyajāśca tathādhamāḥ | ete tyajeyuḥ prāṇānvai varjayitvā dvijaṃ nṛpa || patitvā brāhmaṇastatra brahmahā cātmahā bhavet || ityukteḥ | dvijapadaṃ vākyaśeṣādvipraparam | na lokavacanādityādeścāgneyasya (3) vaśiṣṭhaṃ saṃbodhdya pravṛttāvapi tadviṣayatve mānābhāvāt | brahmahā cātmahā bhavedityuktyā 'nyeṣāmapyātmaghātadoṣo'styeva | yajñeṣu paśuhiṃsājanyapāpavat | etaccānyatra prapañcitam | phalasya mahattvādyajñavattatrāpi anyeṣāṃ pravṛttiḥ | brāhmaṇasya mahādoṣaśravaṇādapravṛttirevocitā | anye tvasya nirmūlatvātsarvavarṇānāṃ tatrādhikāramāhuḥ | luptaśaucakriyasya pratyākhyātabhiṣakkriyasya vṛddhaviprāderatra maraṇavidhau na vivādaḥ | parantu tanmaraṇasya kalivarjyeṣu parigaṇanātsāmpratamanadhikāra eva