Tirthendushekhara 2.p20

2.p20

tadavimuktameva ) | īśvareṇa kadācidapi muktaṃ na bhavatītyavimuktam | vai evārthe | tasmādavimuktādanyatra yatra ka ca yatra kvāpi'mokṣecchayā na gacchati na gacchet | leṭ | nandidameva devayajanatvādiguṇaviśiṣṭaṃ kurukṣetrapadavācyaṃ manye 'vagacchāmi tatra hetumāha hi yataḥ atra jantoḥ prāṇeṣūtkramamāṇeṣu rudrastāpatrayātmakaṃ saṃsāraduḥkhaṃ rut tat drāvayatīti rudro'ntaryāmī tārakaṃ tattvamasyādyaikyabodhakaṃ vyācaṣṭe upadiśati | yenāsāvamṛtī brahmarūpo nivṛttājñānatatkāryako vā bhūtvā mokṣībhavati mukto bhavati 'brahmaiva san brahmāpyeti vimuktaśca vimucyata' iti śruteḥ | civastu chāndasaḥ | tasmāddhenoravimuktameva niṣeveta na tyajecca| mararṇāntikam | yadvā avimuktaṃ tadākhyaṃ rudraṃ tārakapradātāraṃ niṣeveta ācāryopāsanasya vidyāṅgatvat | evamevaitadavagantavyamiti bṛhaspatipṛṣṭo yājñavalkyaḥ sasnehamuvāceti