Tirthendushekhara 2.p34

2.p34

iti mātsyena īdṛśasyaiva sadyomokṣapratipādanācca | tasmāduktaśrutau jantupadaṃ manuṣyaviṣaye īdṛśamanuṣyaparameva | jantupadaṃ sakalasthāvaraṃmanuṣyetarasakalajaṅgamasaṃgrahāya ceti tattvam etatsarvamagre prāyalekhane spaṣṭam | yasya tu pāpino'nekajanmārambhakakarmaṇārabdhodehastasya kāśyāṃ mṛtasyāpi kāśyāmeva tāvajjanmaprāptyā śanairmuktirbhavati | ata eva kasya cillabdhakrusyaḥ kāśyāmoṃṅkāreśvarasannidhau mṛtasyāpi janmāntaraṃ muktiruktā śivapurāṇe | pādme ca kāśīkṛtapāpasya tatraiva mṛtasya kasya ciddaśajanmāni agre kāñcanamālinīdattamāghasnānapuṇyena devajanma ca śrūyate | yastu kāśīkṛtapāpo'nyatra mṛtaḥ sarvavidhayamayātanānantaraṃ bhairavakṛtāṃ rudrapiśācatāmanubhūya kāśyāṃ dehagrahaṇapūrvakaṃ mucyate