Tirthendushekhara 4.p1

4.p1

gayāyāṃ śrāddhena tu amukte pitrādau narakoddhārasarvapāpanāśasvargalokaprāptyādi yathāyathaṃ phalam| mukte'pi pitrādau pratyavāyābhāvaḥ brahmahatyādipāpanāśaḥ, satyāṃ kāmanāyāṃ putrādi ca kartṛgataṃ phalam| tatra pitṛddhārārthaṃ kṛtainaiva gayāśrāddhena satyāṃ kāmanāyāṃ putrādyapi phalamityeke| phaladvayārthaṃ prayogadvayamityanye | gayāśrāddhaṃ putrasya nityamgayābhigamanaṃ karttuṃ yaḥ śakto nābhigacchati | śocanti pitarastaṃ vai vṛthā tasya pariśramaḥ || itikaurme nindāśravaṇāt | tatra sakṛtkaraṇameva nityam| punaḥ karaṇe tu phalādhikyaṃ na tvāvaśyakatā | tatrāpi yeṣāṃ prathamayātrāyāṃ pretatvanivṛttyarthaṃ pretaśilāyāṃ piṇḍadānaṃ bhāṇḍasphoṭanaṃ ca kṛtaṃ teṣāṃ dvitīyādiyātrāsu na kāryam | kāṃṅkṣanti pitaraḥ putrānnirakādbhayabhīravaḥ | gayāṃ yāsyati yaḥ kaścitso'smānsaṃtārayiṣyati