Tristhalisetu (Narayana) 11.p63

11.p63

athāṣṭamī | tatra sarvāsu kṛṣṇāṣṭamīṣu caitrāditrayakṛṣṇāṣṭamīṣu vā vṛṣabhadhvajeśadharmeśalāṅgalīśayātreti vakṣyate | tathā sarvāsrāṣṭamoṣu bhairavayātrā kāryā | taduktam— aṣṭamīṃ ca caturdaśyāṃ ravibhūmijavāsare | yātrāṃ ca bhairavīṃ kṛtvā naraḥ pāpaiḥ pramucyate || tathā—kālarājaṃ na yaḥ kāśyāṃ pratibhūtāṣṭamīkujam | bhajettasya kṣayetpuṇyaṃ kṛṣṇapakṣe yathā śaśī || na bhajedityanvayaḥ | tathā sarvāsrāṣṭamoṣu durgāyātrā kāryā | taduktam— aṣṭamīṃ ca caturdaśyāṃ bhaumavāre viśeṣataḥ | saṃpūjyā satataṃ kāśyāṃ durgā durgārtināśinī || navamyāmatha vā'ṣṭamyāṃ caṇḍīyātrā śubhāvahā || iti ca | sarvāṣṭamīṣvīśāneśayātrā'pi kāryā | aṣṭamīṃ ca caturdaśyāmiśāneśaṃ yajanti ye || ta eva rudrā vijñeyā ihāmutrāpyasaṃśayam | tathā—sarvāṣṭamīṣu candreśvarasamīpasthā piṅgalā pūjyā | taduktam— ye tu pratyaṣṭamī janāstathā praticaturdaśī | siddhayogīśvarīpīṭhe pūjayiṣyanti bhāvataḥ || adṛṣṭarūpāṃ subhagāṃ piṅgalāṃ sarvasiddhidām | dhūpanaivedyadīpādyaisteṣāmāvirbhaviṣyati || pratyakṣī bhaviṣyatītyarthaḥ | siddhayogīśvarīpīṭhaṃ candreśvarapradeśaḥ | asisaṃgamasthā svapneśvaryapi sarvāṣṭamīṣu pūjyā | taduktaṃ tāṃ prastutya— aṣṭamīṃ ca caturdaśyāṃ navamyāṃ niśi vā divā | prayatnataḥ samarcyī sā kāśyāṃ jñānārthibhirnaraiḥ || trilocanayātrā'pi sarvāṣṭamīṣu kāryā | taduktam— pratimāsaṃ sadā'ṣṭamyāṃ caturdaśyāṃ ca bhāmini | āyānti sarvatīrthāni draṣṭuṃ devaṃ triviṣṭapam || triviṣṭapastrilocanaḥ | tasmāttatra pūjādi kāryamiti bhāvaḥ | matsyodaryāmapi sarvāṣṭamīṣu yātrā | taduktam-