Tristhalisetu (Narayana) 13.p32.5
Tristhalīsetu (Nārāyaṇa) 13.p32.5
- Language
- Sanskrit
13.p32.5
idaṃ tu samādhānadvayamapi gayāśrāddhe na yuktaṃ kāśīmaraṇādinā muktapitṛkāṇāṃ gayāśrāddhānanuṣṭhānāpattyā sakalaśiṣṭācāravirodhaprasaṅgāt | tasmānmukte'pi pitari sati kāme kartṛphalaṃ putrādipratyavāyanirākaraṇaṃ ca sarveṣāṃ gayāśrāddhaprayojanamiti samādhiḥ | nanu kathaṃ pratyavāyābhāvārthatā sarvavacaneṣu phalaśravaṇāditi cet | ucyate—pitrarṇāpākaraṇasyā''vaśyakatvāt ' gayāyāṃ piṇḍadānena pitṝṇāmanṛṇo bhavet ' iti vacanācca gayāśrāddhasya tadarthatvādāvaśyakatā