Atreyasmriti 1
Ātreyasmṛti 1
- Language
- Sanskrit
Contents
- 1.10 — 2 parts
1.5
laghu atrisaṃhitāyām
hutāgnihotramāsīna matriṃ śrutavatāṃ varam
upagamya ca pṛcchanti ṛṣayaḥ śaṃsitavratāḥ
bhagavan ! kena dānena japena niyamena ca
śudhyante pātakeryuktā stvaṃ bravīṣi mahāmune
avikhyāpitadoṣāṇāṃ pāpānāṃ mahatāṃ tathā
sarveṣāṃ copapātānāṃ śuddhiṃ vakṣyāmi tatvataḥ
prāṇāyāmaiḥ pavitraiśca dānairhomairjapairastathā
śuddhikāmāḥ pramucyante pātakebhyo na saṃśayaḥ
prāṇāyāmānpavitrāṃśca vyāhṛtīḥ praṇavantathā
pavitrapāṇirāsīno'bhyasya brahma naiti kam
1.10
āvartayetsadāyuktaḥ prāṇāyāmān punaḥ punaḥ
ākeśāgrādānakhātsāttapastapyata uttamam
nirodhājjāyate vāyurvāyoragnirhi jāyate
tāpenāpohi jāyante tato'ntaḥ śudhyate tribhiḥ
tathā carma tathāneṅgā doṣā sabhyarti dharmataḥ
tathendriyakṛtā doṣā dahyante prāṇanigrahāt
prāṇāyāmairdahet doṣāna dhāraṇābhiśca kilviṣam
pratyāhāreṇa viṣayāndhyānenāneśvarān guṇān
na ca tīvreṇa tapasā na svādhyāyena vaicchayā
matiṃ gantuṃ surāḥ śaktā yogātsaṃprāpnuvanti yām
1.10.p1
yogātsamprāpyate jñānaṃ yogāddharmasya lakṣaṇam
yogaḥ paraṃ tapo nityaṃ tasmādyuktaḥ sadā bhavet
praṇavādyā stathā vedāḥ praṇave paryavasthitāḥ
vāṅmayaḥ praṇavaḥ sarvaṃ saṃsmātyapraṇavamabhyaset
praṇave viniyuktasya vyāhṛtīṣu ca saptasu
tripadāyāṃ ca gāyatryāṃ na bhayaṃ vidyate kvacit
ekākṣaraṃ paraṃ brahma prāṇāyāmaḥ paraṃ tapaḥ
brahmāṇī caiva māyatrī pāvanaṃ paramaṃ smṛtam
samāhṛtīkāṃ sapraṇavāṃ gāyatrīṃ śirasā saha
triḥ paṭhedāyataḥ prājñaḥ prāṇāyāmaḥ sa ucyate
1.10.p2
ityātreyasmṛtau prathamo'dhyāyaḥ
Linked texts (3)
- Atrismṛti (Atrisaṃhitā) — Atri, Sanskrit
- Aṣṭādaśasmṛti — Sanskrit
- Smṛtīnāṃ Samuccayaḥ — Sanskrit