Atreyasmriti 6

6.p1

iṣṭvā kratuśataireva devarājo mahādyutiḥ
svaguruṃ vāgmināṃ śreṣṭhaṃ paryapṛcchadgṛhaspatim
bhagavan ! kena dānena svargataḥ sukhamedhate
yadakṣayaṃ mahābhāga ! tvaṃ brūhi vadatāmbara !
evaṃ pṛṣṭaḥ sa indreṇa devadevapurohitaḥ
vācaspatirmahātejo bṛhaspati ruvāca ha
hiraṇyadānaṃ godānaṃ bhūmidānañca vāsava !
etatprayacchamāno'pi svargataḥ sukhamedhate
suvarṇaṃ rajataṃ vastraṃ maṇiratnaṃ vasūni ca
sarvvameva bhaveddattaṃ vasudhāṃ yaḥ prayacchati
phalākṛṣṭāṃ mahīṃ dadyāt sabījāṃ sasyamālinīm
yāvat sūryyakarā loke tāvat svarge mahīyate
iti śroātreyasmṛtau dharmaśāstraṃ sampūrṇam