Durgabhaktitarangini (Vidyapati) 1.p167
Durgābhaktitaraṅgiṇī (Vidyāpati) 1.p167
- Language
- Sanskrit
1.p167
nīrājite turaṅge kṛte ca lauhābihārike yajñe | abhiṣikte rājāśve tato nṛpāṇāṃ bhavedyātrā || "lauhābihārike" nīrājanaprayojanakahome | aśvayuji śuklapakṣe tithau dvitīyādi saptarātrantu | vaḍavārūpeṇaikā svātiḥ sauraṃ rathaṃ vahati || sā bhāreṇākrāntā kruddhā yānpān nirīkṣate vāhān | teṣāṃ tejaḥ sattvaṃ balañca kṛtsnaṃ nigṛhṇāti || saṃjāyante rogā mahopasargaiḥ samanvitāḥ kaṣṭāḥ | tasmāt svātyupatāpe vājiṣu pīḍā bhavenmahatī || evañca saptarātraṃ svāteḥ sampāta eṣa nirdiṣṭaḥ | tatra divākarakiraṇairaspṛṣṭā vāṃjino rakṣyāḥ || śālāntadopaliptāṃ manoramāṃ varjjitāñca ravikiraṇaiḥ | nānākāraiḥ puṣpairalaṅkṛtāndhūpitāṃ kuryāt || tasyāṃ snātāsturagāḥ sudhūpitā arcitā dvitīyāyām | puruṣaiśca śastrahastaiḥ saptāhaṃ rakṣitavyāstu || gugguluhiṅguvayasthāḥ savacāpāmārgataṇḍulaṃlauham | siddhārthaiścelasthān badhnīyādvājinaḥ kaṇṭhe
Linked texts (3)
- Śāntikamalākara — Kamalākarabhaṭṭa 1587, Sanskrit
- Kṛtyaratnākara (Caṇḍeśvara) — Caṇḍeśvara, Sanskrit
- Durgābhaktitaraṅgiṇī (Vīrasiṃha) — Vīrasiṃha, Sanskrit