Durgabhaktitarangini (Vidyapati) 4.p1
Durgābhaktitaraṅgiṇī (Vidyāpati) 4.p1
- Language
- Sanskrit
4.p1
atha śastrapūjā|| brahmapurāṇe durgāgṛhe tu śastrāṇi pūjanīyāni paṇḍitaiḥ| vādyabhāṇḍānicihnāni kavacānyāyudhāni ca|| śastrāṇi khaḍgādīni cihnaṃ dhvajadaṇḍaḥ| āyudhāni dhanuḥ prabhṛtāni| tatrādau khaḍgapūjā asirviśasanaḥ khaḍgastīkṣṇadhāro durāsadaḥ| śrīgarbho vijayaścaiva dharmmādhārastathaiva ca|| ityaṣṭau tava nāmāni svayamuktāni vedhasā| nakṣatraṃ kṛttikā te tu guruddevo maheśvaraḥ|| rohiṇyaśca śarīrante devatañca janārddanaḥ| pitāpitāmahodevastvaṃ māṃ pālaya sarvadā|| nīlajīmūtasaṅkāśastīkṣṇadaṃṣṭraḥ kṛśodaraḥ| bhāvaśuddho'marṣaṇaśca atitejāstathaiva ca|| iyaṃ yena dhṛtā kṣoṇī hataśca mahiṣāsuraḥ| tīkṣṇadhārāya śuddhāya tasmai khaḍgāya te namaḥ|| iti mantreṇa oṃ khaḍgāya nama ityarthyādibhiḥ khaḍgaṃ pūjayet
Linked texts (2)
- Vārāhītantra — Sanskrit
- Durgābhaktitaraṅgiṇī (Vīrasiṃha) — Vīrasiṃha, Sanskrit