Durgabhaktitarangini (Vidyapati) 4.p20

Durgābhaktitaraṅgiṇī (Vidyāpati) 4.p20

Language: Sanskrit

4.p20

atha siṃhāsanapūjā || vijayojayadojetā ripughātī priyaṅkaraḥ | duḥkhahā dharmadaḥ śāntaḥ sarvvāriṣṭavināśanaḥ || ityaṣṭau tava nāmāni yasmātsiṃhaparākrama | tena siṃhāsaneti tvaṃ nāmnā deveṣu gīyase || tvayi sthitaḥ śivaḥ sākṣāt tvayi śakraḥ sureśvaraḥ | tvayi sthito harirdevastvadarthaṃ tapyate tapaḥ || namaste sarvvato bhadra śivobhava mahīpateḥ | trailokyajayasarvasva siṃhāsana namo'stu te || iti mantreṇa oṃ siṃhāsanāya nama ityarghādibhiḥ siṃhāsanaṃ pūjayet

Previous: 4.p19
Next: 4.p21
Up: 4

Linked texts (4)

Vārāhītantra — Sanskrit
Bhaviṣyapurāṇa — Vyāsa, Sanskrit
Kṛtyaratnākara (Caṇḍeśvara) — Caṇḍeśvara, Sanskrit
Durgābhaktitaraṅgiṇī (Vīrasiṃha) — Vīrasiṃha, Sanskrit