Vratakanda 6.p106

Vratakāṇḍa 6.p106

Language: Sanskrit

6.p106

vittaśāṭhyena rahitaḥ pūjayedgatavismayaḥ | evaṃ karoti yaḥ samyak saubhāgyaśayanavratam || sarvān kāmānavāpnoti ¹paramānandamaśnute | phalasyaikasya ca ²tyāgametatkurvan samācaret || yatnāt³ kīrtimavāpnoti ⁴māsaṃ māsaṃ narādhipa | saubhāgyārogyarūpāyurvastrālaṅkārabhūṣaṇaiḥ || na vimuktā bhavedrājannabdābuṃdaśatatrayam | yastu dvādaśavarṣāṇi saubhāgyaśayanavratam || karoti sapta cāṣṭau ca śrīkaṇṭhabhavane'maraiḥ | pūjyamāno bhavetsamyagyāvatkalpaśatatrayam || nārī vā kurute cāpi kumārī vā nareśvara | ⁵asau tatphalamāpnoti⁶ devyanugrahalālitā || śṛṇuyādapi yaścaiva pradadyādathavā matim | so'pi vidyādharo bhūtvā svargaloke vasecciram || ⁷iti saubhāgyaśayanavratam

Previous: 6.p105
Next: 6.p107
Up: 6

Linked texts (2)

Matsyapurāṇa — Vyāsa, Sanskrit
Kṛtyakalpataru — Lakṣmīdhara Bhaṭṭa, Sanskrit