Vratakanda 6.p110
Vratakāṇḍa 6.p110
- Language
- Sanskrit
6.p110
tatpādābhyarcanaṃ kuryāt pratipakṣaṃ varānane || varadāyai namaḥ pādau¹ tathā gulphau namaḥ śriyai² | aśokāyai namo jaṅghe ³pārvatyai jānunī tathā || ūrū⁴ māṅgalyakāriṇyai vāmadevyai ⁵tathā kaṭim | padmodarāyai jaṭharamuraḥ kāmaśriyai namaḥ || karau saubhāgyadāyinyai bāhū ⁶haramukhaśriyai | mukhaṃ darpaṇavāsinyai ⁷smaradāyai smitaṃ namaḥ || gauryai namastathā nāsāmutpalāyai⁸ ca locane | tuṣṭyai lalāṭaphalakaṃ kātyāyinyai ⁹śirastathā || namo gauryai namastuṣṭyai¹⁰ namaḥ kāntyai namaḥ śriyai | rambhāyai lalitāyai ca vāsudevyai namo namaḥ ||¹¹ evaṃ saṃpūjya vidhivadagrataḥ padmamālikhet | patrairdvādaśabhiryuktaṃ kuṅkumena sakarṇikam || pūrveṇa vinyasedgaurīmaparṇāṃ ca tataḥ param | bhavānīṃ dakṣiṇe tadvadrudrāṇīṃ ca tataḥ param || vinyaset paścime saumyāṃ sadā madanavāsinīm
Linked texts (3)
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Kṛtyaratnākara (Caṇḍeśvara) — Caṇḍeśvara, Sanskrit