Vratakanda 6.p134

6.p134

saśrīkaṃ ca hariṃ pūjya rudraṃ vāpyumayā saha | ²gambhīrāyeti pādau tu subhagāyeti vai kaṭim || udaraṃ devadeveti śitikaṇṭheti³ ⁴vai uraḥ | trilocanāyeti śiro rudrāyeti samantataḥ || evamabhyarcya medhāvī viṣṇuṃ lakṣmyā samanvitam⁵ | haraṃ gaurīsamāyuktaṃ gandhapuṣpādibhiḥ kramāt || tatastasyāgrato homaṃ kārayenmadhusarpiṣā | tilaiḥ saha mahārāja saubhāgyapatayeti ca || tatastvakṣārasaṃyuktaṃ niḥsnehaṃ dharaṇītale | godhūmānnaṃ tu bhuñjīta ⁶kṛṣṇe'pyevaṃ vidhiḥ smṛtaḥ || āṣāḍhādidvitīyāyāṃ pāyasaṃ tatra bhojayet | yavānnaṃ tu tataḥ paścāt kārtikādiṣu pārthiva || śyāmākānnaṃ havirvāpi yathāśaktyā prasannadhīḥ | ⁷tatastu brāhmaṇe dadyāt pātrabhūte vicakṣaṇaḥ || anaṅgahīne vedānāṃ pārage sādhuvartini | sadācārayute dadyādalpavitte'pi ⁸bhūtale || ⁹ṣaḍbhiḥ pātrairupetāṃ ca brāhmaṇāya nivedayet | ekaṃ madhughṛtaṃ pātraṃ dvitīyaṃ ghṛtapūritam || tṛtīyaṃ tilatailasya caturthaṃ guḍasaṃyutam