Vratakanda 6.p139
Vratakāṇḍa 6.p139
- Language
- Sanskrit
6.p139
catuṣkoṇeṣu tān kṛtvā phalāni vividhāni ca | • gandhamālyādikaṃ sarvaṃ tathaiva vinivedayet || suvarṇaśṛṅgīṃ kapilāmathārcya raupyaiḥ khuraiḥ kāṃsyadohāṃ savatsam | dhuraṃdharaṃ raktamatīva saumyaṃ dhānyāni saptāvarasaṃyutāni || ['saptadhānyāni'] yavagodhūmadhānyaka1tilakaṅguśyāmākacīnakāni || aṅguṣṭhamātraṃ puruṣaṃ tathaiva sauvarṇamatyāyatabāhudaṇḍam | caturbhujaṃ hemamaye niviṣṭaṃ pātre guḍasyopari sarpiyuktam || sāmasvarajñāya jitendriyāya pātrāya 2śīlānvayasaṃyutāya | dātavyametat 3kanakaṃ dvijāya kuṭumbine naiva ca dambhayukte || "bhūmiputra mahātejāḥ svedodbhava pinākinaḥ | rūpārthī tvāṃ prapanno'haṃ gṛhāṇārghyaṃ namo'stute ||" mantreṇānena datvārghyaṃ raktacandanavāriṇā | tato'rcayedvipravaraṃ raktamālyāmbarādibhiḥ || dadyānmantreṇa tenaiva bhaumaṃ gomithunānvitam | śayyāṃ ca śaktito dadyāt sarvopaskarasaṃyutām
Linked texts (4)
- Nāradapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Jayasīṃhakalpadruma — Ratnākara 1688, Sanskrit
- Vratakhaṇḍa — Hemādri, Sanskrit