Vratakanda 6.p421

6.p421

dīpamannamalaṃkāro vāsaḥ puṣpāṇi mantrataḥ || deyānyetāni devasya 1sānugasya samṛddhaye2 | vidhinānena satataṃ 3sadā yo'rcati bhāskaram || 4sa prāpya paramān kāmān tato bhānusamo bhavet | anena vidhinā yastu pūjayedbhāskaraṃ nṛpa || raviprasādādgacchettu 5sa paraṃ sthānamavyayam | anena vidhinā pūjya bhāskaraṃ bhagavān hariḥ || putrānavāptavān rājan durjayatvaṃ tathā ripoḥ | anena vidhinā pūjya ṣaṣṭhyāṃ bhānuṃ 6samāhitaḥ || vaiśākhaśuklapakṣasya jitakrodho jitendriyaḥ | nimbapatraṃ tato'śrīyāt saptamyāṃ 7ca tato nṛpa || itthaṃ prāśya svapedbhūtau devasya purato nṛpa | aṣṭamyāṃ pūjayedbhānuṃ punareva 8nṛpottama || brāhmaṇān bhojayitvā tu śaktyā dadyācca dakṣiṇām || bhuñjīta vāgyataḥ paścānmadhuraṃ glānivarjitam | ityeṣā batsaraṃ yāvat kartavyā nimbasaptamī || kurvāṇaḥ saptamīṃ caiva sarvarogaiḥ pramucyate | sarvarogavinirmuktaḥ sūryalokaṃ ca gacchati || 9iti nimbasaptamī