Vratakanda 6.p435
Vratakāṇḍa 6.p435
- Language
- Sanskrit
6.p435
vidhānamāsāṃ¹ vakṣyāmi yathāvadanupūrvaśaḥ || yadā tu śuklasaptamyāmādityasya dinaṃ bhavet | sā tu kalyāṇinī nāma vijayā ca nigadyate || prātargavyena payasā snānamasyāṃ samācaret | tataḥ śuklāmbaraḥ ²padmamakṣataiśca prakalpayet || prāṅmukho'ṣṭadalaṃ madhye ³tadvṛttaṃ tu sakarṇikam | dhūpākṣatābhirdeveśaṃ⁴ vinyasetsarvataḥ⁵ kramāt || pūrveṇa tapanāyeti mārtaṇḍāyeti vai ⁶tataḥ | yāmye divākarāyeti vidhātra iti nairṛte || paścime varuṇāyeti bhāskarāyeti cānile | saumye vikartanāyeti ⁷varāyetyaṣṭame dale⁸ || ādāvante ca madhye ca namo'stu paramātmane | mantrairebhiḥ samabhyarcya namaskārāntadīpitaiḥ || śuklavastraiḥ phalairbhakṣyai⁹rdhūpamālyānulepanaiḥ | sthaṇḍile pūjayedbhaktyā ¹⁰tilena lavaṇena ca || tato vyāhṛtimantreṇa ¹¹visṛjya dvijapuṃgavān¹²
Linked texts (3)
- Padmapurāṇa — Vyāsa, Sanskrit
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit