Vratakanda 6.p439

6.p439

¹[phalasaptamī] ²anyāmapi pravakṣyāmi nāmnā tu phalasaptamīm | yāmupoṣya naraḥ pāpairvimuktaḥ svargabhāgbhavet || mārgaśīrṣe śubhe māsi ³pañcamyāṃ niyatavrataḥ | ṣaṣṭhyāmupoṣya kamalaṃ kārayitvā tu kāñcanam || śarkarāsaṃyuktaṃ ⁴dadyādbrāhmaṇāya kuṭumbine | rūpaṃ ca kāñcanaṃ kṛtvā phalasyaikasya karmavit || dadyādvikālavelāyāṃ bhānurme prīyatāmiti | bhaktyā ⁵ca viprān saṃpūjya saptamyāṃ kṣīrabhojanam || kṛtvā kuryātphalatyāgaṃ yāvatsyātkṛṣṇasaptamī | tāmupoṣya vidhiṃ kuryādanenaiva krameṇa tu || tadvaddhemaphalaṃ dadyāt suvarṇasamalakṣitam |⁶ saṃvatsaramanenaiva vidhinobhayasaptamīm || upoṣya dadyātkramaśaḥ sūryamantrānudīrayet | bhānurarko ravirbrahmā sūryaḥ śakro hariḥ śivaḥ || śrīmān vibhāvasustvaṣṭā varuṇaḥ prīyatāmiti | pratimāsaṃ ca saptamyāmekaikaṃ nāmaṃ kīrtayet || pratipakṣaṃ phalatyāgamekaṃ kurvan samācaret | vratānte vipramithunaṃ pūjayedvastrabhūṣaṇaiḥ