Vratakanda 6.p470

6.p470

pauṣāṣṭamyāṃ tu dūrvāgraiḥ snātvā śuklaparicchadaḥ | jitakrodhaḥ snāpayecca devīṃ karpūravāriṇā || vilepayetkuṅkumena ¹māṃsairvālakacandanaiḥ | dhūpaṃ ca nirdahetprājñaḥ pūjanīyā kuraṇṭakaiḥ || kṛśarāguḍanaivedyaṃ kanyā bhojyāśca tena vai | ātmanaḥ pāraṇaṃ tacca śaktyā vai ²tarpayedvijān || nārāyaṇī sadā prītā mama devī prasīdatu | kṛtena graharājendra bhūmidānaphalaṃ labhet || subhago dhanasaṃpannaḥ paratra ³śivamāpnuyāt | māghamāse gavāṃ śṛṅgamṛdbhiḥ snātvā tu bhārgava || devīṃ toyena saṃsnāpya tathā kṣīraghṛtena ca | snāpayecca punastoyaiḥ kuṅkumena vilepayet || dhūpaṃ devadalaṃ dadyāt kundapuṣpaistu pūjayet | ghṛtapūrṇaṃ ca naivedyaṃ kanyāviprāṃśca tena vai || bhojayedātmanastacca dakṣiṇā prīyatāṃ jayā | sarvayāgaphalaṃ⁴ śukra labhate nātra saṃśayaḥ || phālgune sarṣapaiḥ snātvā ⁵devīṃ māṣaphalāmbunā | tathā cekṣurasenaiva bhūyastenodakena ca || rocanālepane pūjā ⁶śataparṇikayā saha