Vratakanda 6.p484

6.p484

sa yāti¹ me puraṃ devi gandharvāpsarasāṃ priyaḥ | mārgaśīrṣe tu vai māsi pañcagavyena yo naraḥ || ²snāpayitvārcayedbhaktyā ³bakapuṣpaistu pūjayet | kṛtopavāsaṃ saptamyāmaṣṭamyāṃ vidhivannaraḥ || sa trailokyamatikramya yatrāhaṃ tatra gacchati | pauṣamāse tu yo'ṣṭamyāṃ bhaktyā māṃ pūjayennaraḥ || unmattakasya puṣpaistu ⁴snāpayitvā ghṛtena tu | vimānaṃ⁵ divyamāruhya puṣpakaṃ nāma nāmataḥ || mamā''layaṃ samāsādya modate śāśvatīḥ samāḥ | māghamāse tathāṣṭamyāṃ bilvapatreṇa yo'rcayet || snāpayitvā tu māṃ bhaktyā ⁶devīmikṣurasena ca | prabhayārkasamaṃ⁷ yānaṃ kāntyā''treyasamaṃ tathā || ārūḍho modate nityaṃ mama loke na saṃśayaḥ | phālgunasya tu māsasya gandhatoyena yo naraḥ || arcayeddroṇapuṣpaiḥ sa ⁸indrasyārdhāsanaṃ labhet | caitre māsi tathā devi puṣpatoyena yo naraḥ || snāpayitvā'rcayedbhaktyā cārkapuṣpaistu sundari | bahusvarṇasya yajñasya vindate saphalaṃ mahat || vaiśākhe tu tathā māsa⁹ aṣṭamyāṃ yastu mānavaḥ