Vratakanda 6.p512

6.p512

yastvasyāṃ kurute śrāddhaṃ pūjayitvā trilocanam | tasya varṣāṇi tṛptāḥ syuḥ¹ pitaro daśa pañca ca || evaṃ vratamidaṃ ²kuryāt ³svamekaṃ caivamādarāt | nāmabhiḥ pūjayeddevaṃ tripurāntakaraṃ param || māsi bhādrapade śaṃbhuṃ śaṅkaraṃ tu tathā pare | śivaṃ tu kārtike māsi ⁴śarvaṃ mārgaśire tathā || pauṣe māsi tatheśānamugraṃ māghe prakīrtitam | phālgune ⁵rudranāmānaṃ caitre ⁶bhīmaṃ prakīrtitam || vaiśākhe nīlakaṇṭhaṃ ca jyeṣṭhe nāma bhavaṃ param | mahādevaṃ tathāṣāḍhe śrāvaṇe tryambakaṃ dvija || etāni māsanāmāni prāśanāni nibodha me | gomūtraṃ gomayaṃ kṣīraṃ dadhi sarpiḥ kuśodakam || gorocanāṃ pañcagavyaṃ mandāronmṛttikāṃ tathā | tilān yavāṃstathā vipra⁷ prāśayetkāyaśuddhaye || vakṣmi puṣpāṇi taṃ vipra⁸ devadevasya prītaye | karavīraṃ tathā ⁹jātīṃ prāleyāni kadambakam || unmattakaṃ tathā bilvaṃ śamīpatraṃ ¹⁰bakaṃ tathā | mālatīkusumaṃ vipra tathā mukurakasya¹¹ ca