Vratakanda 6.p73

6.p73

śrībhagavānuvāca - śrāvaṇasya dvitīyāyāṃ kṛṣṇāyāṃ madhusūdana | kṣīrārṇave salakṣmīkaḥ sadā vasati keśavaḥ || tasyāṃ saṃpūjya govindaṃ sarvān kāmān samaśnute | ¹gobhūhiraṇyadānādi saptakalpaśatānugam || aśūnyaśayanā nāma dvitīyā sā prakīrtitā | tasyāṃ saṃpūjayedviṣṇumebhirmantrairviśeṣataḥ || “śrīvatsadhārin śrīkānta śrīdhāma śrīpate'vyaya | pitaro mā praṇaśyantu matto dāmpatyabhedataḥ || lakṣmyā viyujyate devo na kadācidyathā hariḥ | tathā kalatrasaṃbandho deva mā''tmā viyujyatām || lakṣmyā na śūnyaṃ varada yathā te śayanaṃ sadā | śayyā mamāpyaśūnyāstu tathaiva madhusūdana ||” ²gītavāditranirghoṣaṃ devadevasya kārayet | ³ghaṇṭā bhavedaśaktasya sarvavādyamayī yataḥ || evaṃ saṃpūjya govindamaśnīyāttailavarjitam | naktamakṣāralavaṇaṃ yāvattasyāccatuṣṭayam || tataḥ prabhāte saṃjāte lakṣmīpatisamanvitām | ⁴dīpānnabhojanairyuktāṃ śayyāṃ dadyādvicakṣaṇaḥ || pādukopānahacchatracāmarāsanasaṃyutām