Vratakanda 6.p76

6.p76

¹varāhapurāṇe agastya uvāca— athātaḥ saṃpravakṣyāmi kāntivratamanuttamam | dvitīyāyāṃ tu rājendra kārtikasya site dine || naktaṃ kurvīta yatnenāpyarcayeddalakeśavau | baladevāya pādau tu keśavāya śiro'rcayet || evamabhyarcya medhāvī vaiṣṇavaṃ rūpamuttamam | paraṃ svarūpaṃ somākhyaṃ dvikalaṃ taddine'rcayet ||² dadyādarghyaṃ ca matimān mantreṇa parameṣṭhinaḥ |³ "namo'stvamṛtarūpāya sarvauṣadhidharāya ca || yajñalokādhipataye somāya paramātmane |” anena khalu mantreṇa datvārghyaṃ śaśine nṛpa || ⁴rātrau savipro bhuñjīta yavānnaṃ saghṛtaṃ nṛpa | phālgunādicatuṣṭyāṃ tu pāyasaṃ saghṛtaṃ śuciḥ || tilahomaṃ prakurvīta kārtike tu yavaistathā | āṣāḍhādicatuṣṭyāṃ tu ghṛtahomaṃ tu kārayet || naktaṃ tilānnaṃ bhuñjīta eṣa pūrvavidhikramaḥ |⁵