Vratakanda 7.p1

7.p1

dvitīyasyāpi te vacmi pāraṇasya samāsataḥ || māghādiṣu ca māseṣu pūjayedvidhivacchivām | nānāvidhaiḥ sugandhaiśca kusumairnṛpa modakaiḥ || guḍapuṣpaiśca dhūpena guggulena ca dhūpayet | bhakṣyabhojyairanekam̐śca kumārīṃ bhojayettataḥ || jyeṣṭhādiṣu ca māseṣu nānāpuṣpakadambakaiḥ | pūjayedvidhivadbhaktyā śraddhayā vindhyavāsinīm || vilepayettathā gandhairdhūpenāgaruṇā''rcayet | candanaṃ kuṅkumaṃ kuṣṭhaṃ tagaraṃ silhakaṃ tathā || aṇḍajaṃ vṛṣaṇaṃ caiva karpūrāgarumustakam | kṛṣṇāgaruṃ mahābāho yo'rcayeccaṇḍikāṃ śriyam || guḍaudanena payasā pāyasena tathārcayet | kumārīṃ bhojayedbhaktyā pāyasena ghṛtena ca || evaṃ saṃpūjayeddurgāṃ vatsaraṃ kurunandana | so'śvamedhaphalaṃ vindyāditi satyaṃ na saṃśayaḥ || iti mahānavamīvratam || atha daśamīvratāni