Vratakanda 7.p108

7.p108

ūrū saubhāgyanāthāya jānunī bhūtadhāriṇe | namo nīlāya vai jaṅghe pādau viśvasṛje namaḥ || namo devyai namaḥ śāntyai namo lakṣmyai namaḥ śriye | namaḥ puṣṭyai ^1namaḥ stutyai namastuṣṭyai ^2tathā śriye || namo vihaṅganāthāya vāyuvegāya pakṣiṇe | ^3viṣapramāthine nityaṃ garuḍaṃ cābhipūjayet || evaṃ saṃpūjya govindamumāpativināyakau | gandhairmālyaiśca dhūpaiśca bhakṣyairnānāvidhairapi || gavyena payasā siddhāṃ kṛśarāṃ tvatha vāgyataḥ | sarpiṣā saha bhuktvā ca gatvā śatapathaṃ naraḥ || nyagrodhadantakāṣṭhaṃ vāpyathavā khādiraṃ budhaḥ | gṛhītvā dhāvayeddantānācāntaḥ prāgudaṅmukhaḥ || pūjāṃ sāyantanīṃ kṛtvā śayītāstamite ravau | namo nārāyaṇāyeti tvāmahaṃ śaraṇaṃ gataḥ || ekādaśyāṃ nirāhāraḥ samabhyarcya tu keśavam | rātriṃ ca sakalāṃ sthitvā snānaṃ ca payasā tataḥ || sarpiṣā viśvadahanaṃ kṛtvā brāhmaṇapuṅgavaiḥ | sahaiva puṇḍarīkākṣa dvādaśyāṃ kṣīrabhojanam || kariṣyāmi ^4yathā so'haṃ nirvighnenāstu tacca me | ^5evamuktvā kṣapettatra itihāsakathāḥ punaḥ || śrutvā prabhāte saṃjāte nadīṃ gatvā viśāṃ pate