Vratakanda 7.p122

7.p122

yathā na lakṣmīrdeva tvāṃ parityajya ca gacchati || tathā rūpaṃ tathārogyamaśoko vāstu me sadā | devena rahitā lakṣmīrjāyate na kvacidyathā || tathā viśokatā me'stu bhaktiravyā ca keśave | mantreṇānena śayanaṃ guḍadhenusamanvitam || śūrpaṃ ca lakṣmyā sahitaṃ dātavyaṃ bhūtimicchatā | utpalaṃ karavīraṃ ca bāṇamamlānakuṅkumam || 1kesaraṃ sindhuvāraṃ cāpyamlānakusumaṃ tathā | mallikā gandhapuṣpāṇi kundaṃ ca kusumaṃ tathā2 || kadambaṃ kubjakaṃ jātī3 śastānyetāni sarvadā | viśokadvādaśī caiṣā sarvapāpaharā śubhā || 4tāmupoṣya naro yāti tadviṣṇoḥ paramaṃ padam | iha loke ca saubhāgyamāyurārogyameva ca5 || vaiṣṇavaṃ padamāpnoti 6maraṇe smaraṇaṃ hareḥ | 7bhavārbudasahasrāṇi daśa cāṣṭau ca dharmavit || na śokaduḥkhadāridryaṃ tasya saṃjāyate nṛpa | nārī vā kurute yā ca viśokadvādaśīmimām || ṛtumamatī parā nityaṃ sāpi tatphalamāpnuyāt | 8yasmādagre harernityamanantaṃ gītavādanam || iti viśokadvādaśīvrataḥ