Vratakanda 7.p128

7.p128

grāmaṃ ca śaktimān dadyātkṣetraṃ vā bhavanānvitam || guruṃ saṃpūjya vidhivadvastrālaṃkārabhūṣaṇaiḥ | anyāmapi yathāśaktyā bhojayitvā dvijottamān || tarpayedvastragodānairdhanasaṃpattaye'pi ca | ārādhanaṃ cāpi viṣṇoryathāśaktyā samācaret || yathā yathā hi puruṣo bhaktimān mādhavaṃ prati | puṣpārcanavidhānena kuryāt saṃvatsaratrayam || anena vidhinā yastu vibhūtidvādaśīvratam | kuryāt pāpavinirmuktaḥ pitṛṇāṃ tārayecchatam || janmanāṃ śatasāhasrama2śokaphalabhāgbhavet | na ca vyādhibhayaṃ tasya na dāridryaṃ na bandhanam || 3vaiṣṇavo'tha śive bhakto bhavejjanmani janmani | 4api kalpasahasrāṇāṃ śatamaṣṭottaraṃ bhavet || tāvatsvarge vasedbrahman bhūpatiśca punarhavet | 5imānyācarato brahmannakhaṇḍavratamācaret || yathākathaṃcitkamalairdvādaśyo dvādaśāpi vā | karttavyāḥ śaktito deyā viprebhyaścāpi dakṣiṇā