Vratakanda 7.p132

7.p132

¹susthodarāyetyudaramanaṅgāyetyuro hareḥ | mukhaṃ padmamukhāyeti bāhū pañcaśarāya vai || namaḥ sarvātmane ²maulimarcayediti keśavam | tataḥ prabhāte taṃ kumbhaṃ brāhmaṇāya nivedayet ||³ brāhmaṇān bhojayedbhaktyā ⁴svayaṃ ca lavaṇāhate | bhuktvā tu dakṣiṇāṃ dadyādimaṃ mantramudīrayet || "prīyatāmatra bhagavān kāmarūpī janārdanaḥ | hṛdaye sarvabhūtānāṃ ⁵ya ānando'bhidhīyate ||” anena vidhinā ⁶cāpi māsi māsi samācaret | upavāsī trayodaśyāmarcayedviṣṇumavyayam || phalamekaṃ ca saṃprāśya dvādaśyāṃ bhūtale svapet | tatastrayodaśe māsi ghṛtadhenusamanvitām || ⁷kāñcanīṃ kāmadhenuṃ ca śuklāṃ gāṃ ca payasvinīm | ⁸vāsobhiścāpi saṃpūjya śaktyā vibhavabhūṣaṇaiḥ || śaktyā gaṃvādikaṃ dadyātprīyatāmityudīrayet | ⁹homaḥ śuklaistilaiḥ kāryaḥ kāmanāmāsukīrtanāt || gavyena sarpiṣā tadvatpāyasena ca dharmavit | viprebhyo bhojanaṃ dadyādvittaśāṭhyaṃ vivarjayet || ikṣudaṇḍānatho dadyāt puṣpamālāḥ svaśaktitaḥ