Vratakanda 7.p229

7.p229

namo'stu pāśāṅkuśabhasmaśūlakapālasarpendudhanurdharāya | jarāsurānaṅgapurāndhakādivināśaśūlāya namaḥ śivāya || ityādi cāstrāṇi ca 1pūjayitvā viśveśvarāyeti śiro'bhipūjyam | bhoktavyamatraivamatailamannamamāṃsamakṣāramabhuktaśeṣam || 2[itthyevaṃvidhabhaktāni kṛtvā dadyātpunarvṛṣam | śālīyataṇḍulaprasthamṛdumbaramaye ghṛtam || saṃsthāpya pātre viprāya sahiraṇayaṃ nivedayet |] saptame vastrayugmaṃ ca pāraṇe tvadhikaṃ bhavet || caturdaśe tu saṃprāpte pāraṇe 3nāradābdike |4 brāhmaṇān bhojayedbhaktyā guḍakṣīraghṛtādibhiḥ || kṛtvātha kāñcanaṃ padmamaṣṭapatraṃ sakarṇakam | śuddhamaṣṭāṅgulaṃ tacca padmarāgadalānvitam || śayyāṃ vilakṣaṇāṃ kṛtvā viruddhagranthivarjitām | sopadhānakaviśrāmāṃ svāstīrṇāvaraṇāśrayām || pādukopānahacchatracāmarāsanadarpaṇaiḥ | bhūṣaṇairapi saṃyuktāṃ phalavastrānulepanaiḥ || asyāṃ nidhāya tatpadmamalaṅkṛtya guṇānvitam