Vratakanda 7.p264

7.p264

gaṃṇṇamāsena putrāṃśca bahnāpnoti dhārmikān |• māghamāse ca kurvāṇaḥ striyaḥ prāpnoti vai priyāḥ || ekabhaktaṃ tu kurvāṇaḥ phālgune māsi nityaśaḥ | kṣapayedekabhaktena caitre māse narottama || dhanadhānyasamṛddhe tu kule jāyeta rūpavān | vaiśākhaṃ yaḥ kṣapenmāsamekabhaktena mānavaḥ || sā yāti śreṣṭhatāṃ loke pūjito dhanadhānyavān | jyeṣṭhamāse naro yo vai ekabhaktaṃ samācaret || bhrātṛṇāṃ bhavati śreṣṭho bhogāṃścāpnoti puṣkalān | āṣāḍhaṃ vāpi yo māsamekabhaktaṃ samācaret || yātyasau mānyatāṃ prāpya kāmānāpnoti puṣkalān | śrāvaṇe vāpi yo māse tathaivācarate naraḥ || senāpatyaṃ sa saṃprāpya balavānabhijāyate | yo'pi cāśvayuje māsi caikabhaktena tiṣṭhati || vāṇijyaṃ phalate tasya kṛṣiḥ paśugaṇāstathā | kārtikaṃ tvapi yo māsamekabhaktena tiṣṭhati || so'śvamedhaphalaṃ prāpya vahniloke mahīyate | yaḥ kṣapedekabhaktena yāvajjīvaṃ narottamaḥ || vimānenārkavarṇena sa gacchecchakralokatām | saṃvatsaraṃ tu yaḥ puṣyamekabhaktena tiṣṭhati || sa pārthivasamo bhūtvā mahīṃ yāti narendravat