Vratakanda 7.p302

7.p302

varjayedabdamekaṃ tu vinaivauṣadhakāraṇāt | savṛṣaṃ kāñcanaṃ rudraṃ dharmarājaṃ ca kārayet || ¹kūṣmāṇḍaṃ mātuliṅgaṃ ca vṛntākaṃ panasa tathā | āmrātakakapitthāni kāliṅgamatha vārukam² || śrīphalāśvatthabadaraṃ jambīraṃ kadalīphalam | karmāraṃ dāḍimaṃ śaktyā ³kaladhautāni ṣoḍaśa || mūlakāmalakaṃ jambūtintiḍīkaramardakam | takkolailākaṭuṇḍīraṃ karīrakuṭajaṃ śamī || uḍumbaraṃ nārikelaṃ drākṣātha bṛhatīdvayam | raupyāṇi kārayedbhaktyā phalānīmāni ṣoḍaśa || tāmraṃ tālaphalaṃ kuryādagastiphalameva ca | piṇḍīrakāśmaryaphalaṃ tathā sūraṇakandakān || raktālukākandakaṃ ca kanakābhīruciśvikam⁴ | citravallīphalaṃ tadvat kūṭaśālmalikāphalam || grāmyaniṣpāvamadhukavaṭeṅgudapaṭolakam | tāmrāṇi ṣoḍaśaitāni kārayedbuddhito naraḥ || udakumbhadvayaṃ kṛtvā dhānyopari savāsasam | ⁵bhakṣyapātradvayopetaṃ haimarudravṛṣānvitam || dhenvā sahaiva śāntāya viprāyātha kuṭumbine | sapatnīkāya saṃpūjya puṇye'hni vinivedayet || yathā phaleṣu sarveṣu vasantyamarakoṭayaḥ