Vratakanda 7.p310

7.p310

rudralokamavāpnoti śivavratamidaṃ smṛtam || 8. saumyavratam varjayedyastu puṣpāṇi hemante śiśire tathā | puṣpatrayaṃ ca phālgunyāṃ kṛtvā śaktyā ca kāñcanam || dadyāddvikālavelāyāṃ prīyetāṃ śivakeśavau | 'datvā paraṃ padaṃ yāti saumyavratamidaṃ smṛtam || 9. saubhāgyavratam phālgunyāṃ tu tṛtīyāyāṃ lavaṇaṃ yastu varjayet | samāpte śayanaṃ dadyādgṛhaṃ sopaskarānvitam || saṃpūjya vipramithunaṃ bhavānī prīyatāmiti | gaurīloke vasetkalpaṃ saubhāgyavratamucyate || 10. sārasvatavratam saṃdhyāmaunaṃ naraḥ kuryāt ¹samānte ghṛtakumbhakam | vastrayugmaṃ ²tilaghaṭaṃ brāhmaṇāya nivedayet || sārasvataṃ padaṃ yāti punarāvṛttidurlabham | etat sārasvataṃ nāma ³rūpavidyāpradāyakam || 11. saṃpadvratam rātrupavāsī bhavennaraḥ | ¹samānte hemakalaśaṃ dadyāddhemnā samanvitam² || sa vaiṣṇavapadaṃ yāti lakṣmīvān janmajanmani | etatsaṃpadbhūtaṃ nāma sadā pāpavināśanam