Vratakanda 7.p6

Vratakāṇḍa 7.p6

Language: Sanskrit

7.p6

atha dvādaśīvratāni tatra viṣṇuḥ—[49, 1-8] 'mārgaśīrṣe tu śuklāyāmekādaśyāmupoṣito dvādaśyāṃ ca bhagavantaṃ vāsudevaṃ samarcayet | supuṣpadhūpānulepanadīpanaivedyabrāhmaṇatarpaṇaiḥ2 | vratametat saṃvatsaraṃ kṛtvā pāpebhyaḥ pūto bhavati | yāvajjīvaṃ kṛtvā śvetadvīpamāpnoti | ubhayapakṣadvādaśīṣvevaṃ saṃvatsareṇa svargalokamavāpnoti3 | yāvajjīvaṃ kṛtvā viṣṇulokam | evaṃ pañcadaśīṣvapi || brahmabhūyamamāvāsyāṃ paurṇamāsyāṃ tathaiva ca | 4yogabhūtaṃ paricaran keśavaṃ mahadāpnuyāt || iti dvādaśīvrataḥ

Previous: 7.p5
Next: 7.p7
Up: 7

Linked texts (1)

Kṛtyakalpataru — Lakṣmīdhara Bhaṭṭa, Sanskrit