Vratakanda 7.p74

7.p74

saṅkalpaṃ kārayedbhaktyā dvādaśyāṃ saṃyatendriyaḥ || ekādaśyāṃ yathāśaktyā kārayetpṛthivīṃ nṛpa | ¹kāñcanīṃ saptapātālakulaparvatasaṃyutām || bhūvinyāsavidhānena sthāpayettāṃ hareḥ puraḥ | sitavastrayugaṃchannāṃ sarvabījaratnanvitām || saṃpūjya priyadatteti ²pañcaratnairvicakṣaṇaḥ | jāgaraṃ tatra kurvīta prabhāte tu punardvijān || āmantrya saṃkhyayā rājannekaviṃśatināmataḥ | teṣāmekaikaśo ³gāṃ cāpyanaḍvāhaṃ ca dāpayet || ekaikaṃ vastrayugmaṃ cāpyekaikaṃ cāṅgulīyakam | kaṭakaṃ caiva sauvarṇaṃ ⁴karṇābharaṇameva ca || ekaikaṃ grāmameteṣāṃ rājā rājyaprado bhavet | yathāvibhavasāreṇa tato gāṃ saṃpradāpayet || ⁵aśaktyā karaṇe caiva daridro'pi svaśaktitaḥ | yathāśaktyā mahīṃ kṛtvā kāñcanīṃ goyugaṃ tathā || vastrayugmamathaikaṃ ca dattvā vibhavaśaktitaḥ | goyugmāsaṃbhavātsarvaṃ hiraṇyenaiva kārayet || evaṃ kṛtvā tathā kṛṣṇadvādaśyāmeva cottare | raupyāṃ ca pṛthivīṃ kṛtvā yathāvibhavaśaktitaḥ || pradadyādbrāhmaṇānāṃ tu tathā teṣāṃ tu bhojanam | upānahau yathāśaktyā pāduke ⁶chatrikāṃ tathā