Vratakhanda 100.0.5

100.0.5

yasmānmopamā dattā bhinnakṛṣṇāñjanaṃ vibho
samāje devasiddhānāṃ vāsudevasya sannidhau
tasmāddehamimaṃ kṛṣṇaṃ juhomi jvalite'nale
ityuktā vāryyamāṇāpi harikālī ruṣānvitā
mumoca haritacchāyāṃ kāntiṃ harati śāhale
vikṣepa dehaṃ roṣeṇa jvalite havyavāhane
punaḥ parvvatarājasya gṛhe gaurī babhūva sā
mahādevasya dehārddhe sthitā saṃpūjyate suraiḥ
yā muktā grāhale devyā kālokāntiḥ svadehajā
sā babhūva mahāvīryyā devī kātyāyanī punaḥ
tathā kṛtāni bhūrīṇi devakāryāṇi pāṇḍava
tuṣṭairddevagaṇairddatto varastasyai śṭaṇuṣva me
yacca grāhalasaṃsthā vai kālīti varadāyinī
pūjayiṣyanti puruṣā nāyyovāpi viśeṣataḥ
sarvvapāpavinirmuktāḥ sukhasaubhāgyagarvvitāḥ
cirāyuṣo bhaviṣyanti bharttṛputrasamanvitāḥ
evaṃ sā harikālīti gaurī śasye vyavasthitā
pūjanīyā mahārāja mantreṇānena bhaktitaḥ
harernāmnaḥ samutpanne harikāli haripriye
sarvvadā śasya mūrttisthe praṇatārttihare namaḥ
itthaṃ saṃpūjya tāṃ devīṃ dattvā viprāya dakṣiṇām
tato jalāśaye ramye mantreṇaivaṃ visarjayet
arccitāsi mayā bhaktyā gaccha devi surālayam
mama daurbhāgyanāśāya punarāgamanāya ca
evaṃ yaḥ pāṇḍavaśreṣṭha harikālīvrataṃ caret
prativarṣaṃ vidhānena nārī vā bhaktitatparā
nītvā yat phalamāpnoti tadanyena na labhyate
martyalokāt ciraṃ jīvet sarvvakāmaiḥ supūritā
putra pautra suhṛnmitra samṛddhodvija saṅkulam
sārddhaṃ varṣaśataṃ jīvet bhogān bhuktā mahītale
tato'vasāne dehasya śivaloke mahīyate.
vīrabhadra mahākāla nandīśvara vināyakāḥ
sarvvaṃ prasādasumukhā bhavanti vratayogataḥ
saṃpūjya śūrpaṃ gatasaptamirūḍhayavāṃ