Vratakhanda 105.p1.21

105.p1.21

avamānādbhutasyāsya kṛmirāśirbhavādhunā
etatte kathitaṃ sarvvaṃ kāraṇaṃ kanyakā kṛte
suśīlovāca
darśanenāpi yasya syādviprāṇāṃ nirmale kule
janmabhuktamavidhānāṃ hi jāyate brahmatejasāṃ
anyathā prajāyante viṣaye kṛmirāśayaḥ
mahāścaryyakaraṃ nātha tadvrataṃ kathayasva me
ṛṣiruvāca
suśīle śṛṇu tat samyak vratānāmuttamaṃ vratam
yena cīrṇena sahasā pāpādasmānvimucyate
duḥkhasyābhighātaśca jāyate nātra saṃśayaḥ
kalyāṇāni vivarddhante sampadaśca nirāpadaḥ
nabhasye śuklapakṣe tu yadā bhavati pañcamī
nadyādiṣu tadā snānaṃ kṛtvā niyamameva ca
vidhāya nityakarmmādi gatvā dvāravatīmṛṣīn
strāpayedvidhivadbhaktyā pañcāmṛtarasaiḥ śubhaiḥ
dvāravatī, agnihotraśālā
dhūrttanirragamadvārairbahubhiryu tanvāt
candanāgurukarpūrairviliptā ca sugandhibhiḥ
pūjayedvidhaiḥ puṣpairgandhadhūpādidīpakaiḥ
samācchādya śubhairvastraiḥ yopavītairdyathāvidhi
tato naivedyasaṃpanna marghyaṃ dadyācchubhaiḥ phalaiḥ
arghyamantaḥ
kaśyapotrirbharadvājo viśvāmitrastu gautamaḥ
jamadagnirvasiṣṭhaśca saptaite ṛṣayaḥ smṛtāḥ
śrotavyamidamākhyānaṃ śākāhāraṃ prakalpayet
sthātavyaṃ brahmacaryeṇa ṛṣidhyānaparāyaṇaiḥ
anena vidhināsamyagvratañcaitat samācaret
yasya yajjāyate puṣyantacchṛṇuṣva samāhitaḥ
sarvvavrateṣu yat puṇyaṃ sarvvatīrtheṣu yatphalam
sarvvadāneṣu datteṣu tadasya vratapāraṇāt
kurute yā vrataṃ caitatsā nārī sukhabhāginī
rūpalāvaṇyasaṃyuktā putrapautrādisaṃyutā
iha loke sadaiva syāt paratrāpyacayā gatiḥ
vratasyāsya prabhāvena jātiṃ smarati paurvvikīṃ
iti brahmāṇḍapurāṇoktaṃ ṛṣipañcamīvratam
brahmovāca