Vratakhanda 105.p1.3

105.p1.3

ālokya tān janāmāsau viṣṇorvakṣaḥsthalaṃ śubham
vidhinā viṣṇunā cīrṇaṃ vrataṃ tenābhisambhavā
śarīrasthā babhūvāsya vibhramodbhrāntalocanā
kiñca rājasabhāvena śakreṇaiva kṛtaṃ yataḥ
tena svargavalaiśvaryaṃ prāpyatesma maharddhimat
tamasāhatacittestu sañcīrṇaṃ daityadānavaiḥ
tena teṣāmathaiśvaryaṃ dṛṣṭanaṣṭamabhūt kila
evaṃ sa śrīmabhavat sadevāsuramānuṣaṃ
jagati jagatāṃśreṣṭha vratasyāsya prabhāvataḥ
yudhiṣṭhira uvāca
kathametadvrataṃ kṛṣṇa kriyate manujaiḥ kadā
prārabhyate pārtha kasmin sarvvaṃ vada janārddana
kṛṣṇa uvāca
yadindre ṇa purā cīrṇaṃ śrīviyuktena pārthiva
śrīmamṛddhikaraṃ taddhi śṛṇu śrīpañcamīvratam
mārgaśīrṣe site pakṣe pañcamyāṃ pannagotsave
upavāsasya niyamaṃ kuryyāt padmā smaredṛdi
svarṇaraupyāṃ yathā śaktyā tāmrāṃ mṛtkāṣṭhajāmatha
citrapaṭṭagatāṃ devīṃ lakṣmīṃ snāpāla kārayet
padmāsanāṃ padmahastāṃ padmā padmadalekṣaṇām
diggajendraiḥ snāpyamānāṃ kāñcanaiḥ kalasottamaiḥ
lakṣmīrūpanirmāṇantu viṣṇudharmottarīktaṃ veditavyam
tadyathā
samutthitā śroḥ karttavyā śaṅkhāmbujakarā śubhā
sukhasthitā mahābhāga padme padmaṃkarā śubhā
dvibhujā cārusarvāṅgo sarvvābharaṇabhūṣaṇā
dvā ca mūlakarau mūrdhni kāryyau vidyādharo śubhāviti
tato yāmatraye yāte nimbagāyāḥ mṛdāthavā
snānaṃ kuryyādasambhrāntaḥ śaktimadupacārataḥ
devān pitṝṃśca santarpya tato devagṛhaṃ vrajet
tatrasthāṃ pūjayeddevīṃ puṣpai statkālasambhavaiḥ
capalāyai namaḥ pādau cañcalāyai ca jānuno
kaṭoṃ kamalavāsinyai nābhiṃ khyātyai namo namaḥ
stanau manmathavāsinyai lalitāyai bhujadvayaṃ