Vratakhanda 106.p2.14

106.p2.14

bhuñjītātailalavaṇaṃ vāgyataḥ prāṅmukhogṭahī
anena vidhinā sarvvasaptamyāṃ māsi māsi vā
kuryyāt saṃvatsaraṃ yāvaddittaśāṭhyavivarjitaḥ
etadeva vratānte tu vidhāya kalaśopari
gobhirvibhavataḥ sārddhaṃ dātavyaṃ bhūtimicchatā
namomandāranāthāya mandāraśayanāya ca
tvaṃ vai tārayasvāsmān ghorāṃsārasāgarāt
anena vidhinā yastu kuryyānmandārasaptamīṃ
vidyārthyātisukhī loke kalpañca divi modate
imāmaghaughapaṭalabhīṣaṇadhvāntadīpikām
gacchan pragṭahya saṃsāraśarvvaryyāṃ na khalennaraḥ
mandārasaptamī nāma īpsitārthaphalapradā
yaḥ paṭhe cchṛṇuyādvāpi so'pi pāpaiḥ pramucyate
iti padmapurāṇoktaṃ mandārasaptamīvratam
yudhiṣṭhira uvāca
kathaṃ sā kriyate kṛṣṇa manuṣyairathasaptamī
cakravarttitvaphaladā yā vikhyātā tvayā mama
kṛṣṇa uvāca
āsīt kāmbojaviṣaye yaśodharmmanarādhipaḥ
vṛddhe vayasi tasyāsīt sarvvavyādhiyutaḥ sutaḥ
tatkarmmapākaṃ so'pṛcchadvinīto dvijapuṅgavān
sattvāha rājan vaiśyoyaṃ kṛpaṇaḥ pūrvvajanmani
dadarśa rathasaptamyāṃ kriyamāṇavrataṃ nṛpa
vratadarśanamāhātmādutpanno'ṭhare tava
adātā vibhave tasmāttenāyaṃ vyādhito'bhavat
tataḥ sa rājā papraccha kiṃ me tatsaṃvidhīyatām
yasya samdarśanāt prāpto lābhastva niketanam
tadeva kriyatāṃ rājan rathasaptamisaṃjñitam
vrataṃ pāpaharaṃ yena cakravarttitvamāpyate
rājñovāca
brūhi vipra vrataṃ kṛtsnaṃ savidhānaṃ samagrakam
īśvarāṇāṃ daridrāṇāṃ sarvvasampatpradāyakam
dvija uvāca
śuklapakṣe tu māghasya ṣaṣṭhyāmāmantrayet gṛhī
snānaṃ śaṅkhatilaiḥ kāryyaṃ tadabhāve tu kuṣvidyat
vimale salile rājan vidhivaddarmabhaktitaḥ