Vratakhanda 106.p2.16

106.p2.16

praṇatārttiharācintya viśvacintāmaṇe vibho
viṣṇo haṃsādibhūteśaādimadhyāntakāraka
bhaktihīnaṃ kriyāhīnaṃ mantrahīnaṃ jagatpate
prasādāttava sampūrṇamarcanaṃ yadihāstu me
evaṃ sampūjya deveśaṃ prārthayecca manogataṃ
dadāti prārthitaṃ bhānurbhaktyā santoṣitānaraiḥ
vittahīnopi vidhinā sarvvametat prakalpayet
rathaṃ sasārathiṃ sāśva varṇakai bhittilekhitam
sauvarṇañca tathā bhānuṃ yathāśaktyā vinirmitaṃ
prāguktena vidhānena pūjayitvā suvistaram
jāgaraṅkārayedrātrau gītavāditranisvanaiḥ
prokṣaṇairyairvicitraiśca puṇyākhyānakathādibhiḥ
rathayātrāṃ prapaśyeta bhānorāyatanaṃ śritaḥ
animīlitanetrastu nayettāṃ rajanīṃ budhaḥ
prabhāte vimale jātaḥ snātastvakṣatatohijān
tarpayedvidhivaiḥ kāmai rdānairvāsovibhūṣaṇaiḥ
aśvamedhena tulyaṃ tadidaṃ brahmavidoviduḥ
atodeyāni dānāni yathāśaktyā vicakṣaṇaiḥ
rathantu gurave deyaṃ sarvopaskārasaṃyutam
raktañca vastrayugalaṃ raktadhenusamanvitam
evaṃ cīrṇavratorājan kinnāpnoti jagattraye
tasmātsarvva prayatnena kuru tvaṃ rathasaptamīṃ
yenārogyobhavet putraḥ khadaupī nṛpasattama
vratasyāsya prabhāvena prasādādbhāskarasya ca
bhaviṣyati mahātejā mahābalaparākramaḥ
bhuktā bhogān suvipulān kṛtvā rājyamakaṇṭakam
dattvāsau rathasaptamyāṃ mṭatetvapi mahābhujaḥ
utpādya puttrān pautrāṃśca sūryyalokaṃ sa yāsyati
tatra sthitvā kalpamekaṃ cakravarttī bhaviṣyati
kṛṣṇa uvāca
iti sarvva samākhyāya viparito dvijottamaḥ
yathāgataṃ jagāmāsau nṛpaḥ sarvvañcakāra ha
yadādiṣṭaṃ dvijendreṇa tatsarvvamabhava ca
evaṃ sa cakravartitvaṃ prāptavān nṛpanandana