Vratakhanda 107.1.7

107.1.7

chāyāpārśve ca vijñeyā ityetā devaśaktayaḥ
dopamannamalaṅkāra vāsaḥpuṣpāṇi mantrataḥ
deyānyetāni devasya sānugasya ca mūrttaye
vidhinānena satataṃ sarvvadā yāti bhāskaram
saṃ prāpya paramān kāmāṃstatobhānusamo bhavet
anena vidhinā yastu pūjayedbhāskaraṃ nṛpa
raviprasādādṛcchettu paramaṃ sthānamavyayam
putrānavāpnuyān rājan durjayatvaṃ tathā ripoḥ
anena vidhinā pūjya bhagavān bhāskaraṃ harim
anena vidhinā pūjya ṣaṣṭhyāṃ bhānumanūditaṃ
deśābhyastṛkapakṣasya jitakrodho jitendriyaḥ
nimbapatraṃ tato'śrīyāt saptamyāṃ mantrato nṛpa
nimbapallava bhadrante subhadrante stu vai sadā
mamāpi kuru bhadrañca prāśanādrogahahābhaveḥ
ityudito mantraḥ
itthaṃ prāśya svapedbhūmau devasya purato nṛpa
aṣṭamyāṃ pūjayedbhānuṃ punareva tu pāvagaḥ
brāhmaṇān bhojayet payācchaktyā dattvā ca dakṣiṇām
bhuñjīta vāgyataḥ paścānmadhurāmlavivarjjitam
ityeṣā vatsaraṃ yāvat karttavyā nimbasaptamī
kurvvāṇaḥ saptamīṃ caiva sarvvarogaiḥ pramucyate
sarvvarogavinirmuktaḥ sūryyalokañca gacchati
iti bhaviṣyapurāṇoktaṃ nimbasaptamīvratam
sumanturuvāca
atha bhādrapade māsi site pakṣe mahīpate
kṛtopavāsaṃ saptamyāṃ vidhivat pūjayedraviṃ
māheśvareṇa vidhinā pūjayedatra bhāskaram
aṣṭamyāṃ tu punaḥ prātaḥ pūjayitvā divākaram
dadyāt phalāni viprebhyo mārttaṇḍaḥ prīyatāmiti
kharjūraṃ nārikelañca mātulaṅgaphalāni ca
brāhmaṇān bhojayitvā tu phalāhāraḥ svayaṃ bhavet
pūrvvamekantu sañcāgya susūkṣmaṃ phalamādarāt
mantreṇa bharataśreṣṭha tataḥśeṣāṇi bhakṣayet
phalaṃ prāśya kuruśreṣṭha bhavedindratvameva ca