Vratakhanda 7.37.2

7.37.2

vaṅgeṣu hūṇeṣu ca ṣaṭ‌ca pañca
śeṣeca deśe tridinaṃ vadantīti
bahavo darśitāḥ kālā ye bālye vārdhake'pi ca
grāhyāstatrādhikāḥ śeṣā deśabhedādutāpadīti
saṃmukhīkṛtya hastau do kiñcitsaṅkucitāṅgulī
mukulo tu samākhyātā paṅkajaprahateva sā
mukulīpaṅkajamudrayoḥ
pūrvāṃca mukulo yā ca pradeśe nisṛtāṅguliḥ
vyākośamudrā mukulā padmamudrāṃ pradarśayet
padmamudrāyāḥ
aṅguṣṭhau kuñcitau dvau tu svakīyāṅguliveṣṭitau
ubhau cābhimukhau hastau yojayitvā tu niṣṭhurā
niṣṭhurāyāḥ
tarjanyau kuñcitau kṛtvā tathaiva ca kanīyasau
adhomukhā dṛṣṭanakhā sthitā madhye karasya tu
catasraścocchritāḥ pṛṣṭhe aṅguṣṭhāvekataḥ kuru
nālaṃ vyavasthitau dvau tu vyomamudrā prakīrttitā
vyomamudrāyāḥ
atha vaidikamantrāṇāmṛṣi daivata chandāṃsi
tat prayojanamāha yājñavalkyaḥ
ārṣaṃ chando daivatañca viniyogastathaiva ca
veditavyaṃ prayatnena brāhmaṇena viśeṣataḥ
aviditvā tu yaḥ kuryyādyājanādhyayanaṃ japam
homamantarjale, dānaṃ tasya cālpaphalaṃ labhet
tathā
yo vijānāti mantrāṇāmārṣaṃ chandaśca daivatam
viniyogaṃ brāhmaṇañca mantrārthaṃ jñānakarmma ca
ekaikasya ṛṣeḥ so'pi vandyohyatithivadbhavet
devatā yāśca sāyujyaṃ gacchatyatra na saṃśayaḥ
pūrvoktena prakāreṇa ṛṣyādīn vetti yo dvijaḥ
adhikāro bhavettasya rahasyādiṣu karmmasu
yena yadṛṣiṇādṛṣṭaṃ siddhiḥ prāptā ca yena vai
mantreṇa yasya yatproktamṛṣerbhāvastadārṣakam
chandanāt chanda uddiṣṭaṃ vāsasā ivacākkatiḥ
ātmā sañchādito devairmṛtyorbhītaistu vai purā
ādityairvvasubhīrudraistena chandāṃsi tāni vai
yasya yasya tu mantrasya uddiṣṭā devatā tu yā