Vratakhanda 97.12.3

97.12.3

te ca vyūḍhā dvitīyāyāṃ tatorthaṃ gaurmmalā ca sā
atastasyāṃ sarakhatī pūjā kāryyetyarthaḥ
pretāstu pitaraḥ proktāsteṣāṃ tasyāṃ tu sañcaraḥ
dvitīyāyāñca lokeṣu tena sā pretasañcarā
agniṣvattā barhiṣada ājyapāḥ somapāstathā
pitṝn pitāmahān pretān sañcārāt pretasañcarāḥ
putraiḥ pautraiśca dauhitraiḥ svadhāmantrai stu pūjitāḥ
śrāddhadāna makhaistṛptā yāntyataḥ preta sañcarā
atastasyāmapi śrāddhaṃ karttavyamityarthaḥ
kārttike śuklapakṣasya dvitīyāyāṃ yudhiṣṭhira
yamo yamunayā pūrvvaṃ bhojitaḥ svagṛhe sadā
dvitīyāyāṃ mahotsarge nārakīyāśca tarpitāḥ
pāpebhyopi vimuktāste muktāḥ sarvvanibandhanāt
bhraṃśatāścātisantuṣṭāḥ sthitāḥ sarve yadṛcchayā
teṣāṃ mahotsavo hyaso yamarāṣṭrasukhāvahaḥ
ato yamadvitīyā sā proktā loke yudhiṣṭhira
asyāṃ nijaggṛhe pārtha na bhoktavyamatībudhaiḥ
snehena bhaginīhastā dbhoktavyaṃ puṣṭivardhanam
dānāni ca pradeyāni bhaginībhyovidhānataḥ
svarṇālaṅkāravastrāṇi pūjā satkārabhojanaiḥ
sarvābhaginyaḥ saṃpūjyā abhāve pratipannakāḥ
pitṭavyabhaginīhastāt prathamāyāṃ yudhiṣṭhira
mātulasya sutāhastāt dvitīyāyāṃ tathā nṛpa
piturmātuḥsvasuḥ kanye tṛtīyāyāṃ tayoḥ karāt
bhoktavyaṃ sahajāyāśca bhaginyā hastataḥ param
sarvvasvabhaginīhastādbhoktavyaṃ balavarddhanam†
dhanyaṃ yaśasyamāyuṣyaṃ dharmakāmārthasādhakam
vyākhyātaṃ sakalaṃ pārtha sarahasyaṃ mayā tava
yasyāṃ tithau yamunayā yamarājadevaḥ
sambhojitaḥ pratijagatsvassṛsohradena
tasyāṃ svasṛṅkaratalādiha yo bhunakti
prāpnoti ratnaśubhagastanamuttamaṃ saḥ||‡
iti bhaviṣyottare yamadvitīyāvratam
sanatkumāra uvāca