Dattakamimamsa (Nandapandita) p132

p132

tyotpattyāśaucaṃ ghaṭata eveti sūtakanirddheśaḥ | idamapi samānajātīyānāmeva putrāṇām | tathāca brahmapurāṇam | aurasaṃ varjayitvā tu sarvavarṇeṣu sarvadā | kṣetrajādiṣu putreṣu jāteṣu ca mṛteṣu ca | aśaucantu trirātraṃ syāt samāna iti niścaya iti | sarvvadā sarvvakālaṃ upanayanānantaramapi | anyāśriteṣu dāreṣu parapatnīsuteṣu ca | gotriṇaḥ snātaśuddhāḥ syustrirātreṇaiva tattvaviditi | yadyapi pratigrahīmaraṇe dattakasya daśāhāśaucaṃ na ghaṭate sapiṇḍasagotratvayormilitayorabhāvāt aśaucaviśeṣaścādṛtya nopalabhyate tathāpi guroḥ pretasya śiṣyastu pitṛmedhaṃ samācaran | pretāhāraiḥ samaṃ tatra daśarātreṇa śuddhyatīti marīcivacanena śiṣyasya gurupretakāryyakaraṇanimittadaśāhāśaucamuktambhavati | atra guruśabda ācāryyādirūpaḥ | gurutvamatrāpyasti upanayanādikarttṛtvāt | tataśca dattakasya pratīgrahītṛkriyākaraṇa eva daśarātrāśaucaṃ sidhyati